Цөөн үгээр

- ажлын хэсэг хуралдлаа. - гар бөмбөгийн тэмцээн зохион байгуулагдлаа - "Алтан намар-2017" ургацын баяр боллоо.

мэндчилгээ

Нийтэлсэн: 6 сарын өмнө Үзсэн: 85
Эрхэм танд Жавхлант сайхан нутгийн халуун мэндийг өргөн дэвшүүлье. Эх орны хөгжил дэвшилд түүчээлэн оролцож ирсэн уугуул нутаг болох Жавхлант сумын хөгжлийг удирдах эрхэм хүндтэй үүргийг гүйцэтгэх их итгэл хүлээлгэсэн сумынхандаа талархаж байгаагаа илэрхийлье. Атрын 2-р аяны хүрээнд 1977 онд Баянхараатын САА байгуулагдаж байсан нь өдгөө газар тариалан, мал аж ахуйд тулгуурласан 40 жилийн түүхт тасралтгүй хөгжин дэвшиж яваа Жавхлант сум юм. Энэ л сайхан нутгийг байгуулж, ажиллаж амьдарч яваа иргэддээ сум байгуулагдсаны түүхт 40 жилийн ойн халуун мэндийг өргөн дэвшүүлж хамгийн сайн сайхан бүхнийг хүсэн ерөөе. Жавхлантчууд бид иргэдийнхээ амьдрал, ажил үйлсийн сайн сайхны төлөө ээлтэй бүхнийг бүрдүүлсэн их бүтээн байгуулалт хийж, уул ус, байгаль эхээ унаган төрхөөр нь хамгаалж хойч үедээ өвлүүлэх их үйлсийг гол зорилт болгон бодитой ажил, бүтээлч үр дүнг эрхэмлэн итгэл дүүрэн ажиллаж байна. Жавхлантдаа сайхан амьдарцгаая 2016-2020 оны сумын Засаг даргын үйл ажиллагааны хөтөлбөрт дэвшүүлсэн зорилтуудыг амжилттай хэрэгжүүлэхэд иргэн бүрийн хамтын сэтгэл, зүтгэл юу юунаас чухал бөгөөд зорьсон зорилго, төлөвлөсөн ажил бүхнээ биелүүлэхэд хамтран ажиллах хэн бүхэнд манай сумын үүд хаалга нээлттэй байх болно. Та бидний хөгжлийн төлөөх хамтын зүтгэл, үйлс бүхэн бүтэж байх болтугай. ЖАВХЛАНТ СУМЫН ЗАСАГ ДАРГА Ж.ОТГОНДАЛАЙ